ខ្លឹមសារនៃការប្រារព្ធខួបទិវាពិភពលោកកាកបាទក្រហម អឌ្ឍចន្ទក្រហម៨ឧសភា
07-May-2016 | ដោយ មែន កំសត់
ភ្នំពេញ៖ការប្រារព្ធខួបទិវាពិភពលោកកាកបាទក្រហម អឌ្ឍចន្ទក្រហម៨ឧសភា ក្នុងគោលការណ៍គ្រឹះក្នុងសកម្មភាព»គឺជាសារមួយផ្ញើជូនដល់សមាគមជាតិទាំងអស់នៅលើពិភពលោក ឱ្យប្រកាន់ខ្ជាប់នូវគោលការណ៍គ្រឹះទាំង៧ដែលរួមមាន ភាពមនុស្សធម៌ ភាពមិនលំអៀង អព្យាក្រឹតភាព ឯក រាជ្យភាព សេវាកម្មស្ម័គ្រចិត្ត ឯកភាព និងសកលភាព ដែលជាមគ្គុទ្ទេសក៍ដ៏ត្រឹមត្រូវ និងសមស្របសម្រាប់តម្រង់ទិសក្នុងការអនុវត្តសកម្មភាពការងារ ប្រចាំថ្ងៃ ដើម្បីបម្រើឱ្យគោលដៅមនុស្សធម៌ ប្រកបដោយប្រសិទ្ធភាពនៅគ្រប់កាលៈទេសៈ។
ទាក់ទងនិងសកម្មភាពរបស់សមាគមជាតិកាកបាទក្រហមកម្ពុជានៅតែបាន និងកំពុងបន្តជួយប្រជាពលរដ្ឋដែលជួបការលំបាក និងការខ្វះខាតនៅតាមសហគមន៍ ជាពិសេសយើងបានផ្តល់ជំនួយមនុស្សធម៌ដល់ជនរងគ្រោះដោយខ្យល់ព្យុះ ខ្យល់កន្ត្រាក់ គ្រោះរាំងស្ងួត គ្រោះអគ្គីភ័យ និងគ្រោះ ធម្មជាតិដោយប្រការផ្សេងៗ រួមជាមួយនឹងការជួយដល់ចាស់ជរា ជនគ្មានទីពឹង ស្ត្រីមេម៉ាយ កុមារកំព្រា ជនពិការ កុមារគថ្លង់ យុវជនញៀនថ្នាំ និងអ្នករស់នៅជាមួយមេរោគអេដស៍ និងជំងឺអេដស៍ផងដែរ។
នៅក្នុងឆ្នាំ២០១៦នេះយើងនៅមានកិច្ចការធំៗមួយចំនួន ដែលនឹងត្រូវរួមគ្នាដោះស្រាយបញ្ហាចំពោះមុខ រួម មានដូចជា ការកើតមានបញ្ហាគ្រោះថ្នាក់ចរាចរ បញ្ហាគ្រឿងញៀន អំពើហិង្សា រួមទាំងបញ្ហាប្រឈមជាសកល មួយចំនួនទៀត ដូចជាបញ្ហាការធ្វើចំណាកស្រុក ដែលបញ្ហាទាំងអស់នេះយើងបានរួមគ្នាគិតគូរ និងរកដំណោះ ស្រាយឱ្យបានសមស្រប និងទាន់ពេលវេលា ដើម្បីជួយសង្គ្រោះជីវិតជនរង គ្រោះ និងការពារសេចក្តីថ្លៃថ្នូររបស់ពួកគេក្នុងនាមមនុស្សជាតិនោះ។
ប្រធានប្រតិភូសហព័ន្ធអន្តរជាតិ នៃសមាគមអន្តរជាតិកាកបាទក្រហម និងអឌ្ឍចន្ទក្រហមប្រចាំភូមិភាគនៅទីក្រុងបាងកក បានថ្លែងថា ៨ឧសភាគឺជាទិវាមួយដ៏មានសារៈសំខាន់ និងជាឱកាសប្រវត្តិ សាស្ត្រមួយ ដើម្បីអបអរសាទរសមិទ្ធផលជោគជ័យជាច្រើនដែលកាកបាទក្រ ហមកម្ពុជាសម្រេចបាន និងការបំពេញការងាររបស់អ្នកទាំងអស់គ្នា ក្នុងនាមជាសមាជិករបស់បណ្តាញមនុស្សធម៌ធំជាងគេនៅលើពិភពលោក ។
ប្រទេសកម្ពុជាមានប្រវត្តិដ៏យូរអង្វែងតាំងក្នុងការដោះស្រាយវិបត្តិមនុស្សធម៌ផង និងក្នុងការអនុវត្តសកម្មភាពមនុស្សធម៌ផង ហើយក៏បានទទួលនូវមេរៀនពិសោធន៍ជាច្រើនពីការបំពេញការងារ ដោយមិនខ្លាចនឿយហត់ពីសំណាក់បុគ្គលិក និងអ្នកស្ម័គ្រចិត្តរបស់ខ្លួនចាប់តាំងពីពេលដែលកាកបាទក្រ ហមកម្ពុជាចាប់បដិសន្ធិនៅក្នុងឆ្នាំ១៩៥៥មក ។ ជំនួយសង្គ្រោះនេះ បានជួយសង្គ្រោះជីវិតរាប់មិនអស់ និងលុបបំបាត់នូវការឈឺចាប់ របស់ មនុស្សរាប់លាននាក់ដែលរងទុក្ខវេទនា។យ៉ាងហោចណាស់កាកបាទក្រហម អាចផ្តល់នូវពន្លឺនៃក្តី សង្ឃឹមដល់ប្រជាជន ដែលស្ថិតនៅក្នុងស្ថានភាពដ៏ក្រៀមក្រំទាំងនេះបានដែរ៕
ចំនួនអ្នកទស្សនា
- ថ្ងៃនេះ1951
- ម្សិលមិញ3811
- សប្តាហ៍នេះ15531
- ខែនេះ210131
- ឆ្នាំនេះ210131
- សរុប20652587